Nagpahayag ng interes ang makakaliwang grupo sa Department of Environment and Natural Resources (DENR) matapos i-reject ng makapangyarihang Commission on Appointments (CA) ang appointment ni dating Secretary Gina Lopez.
Sa press briefing kahapon ng Makabayan bloc sa Kamara, sinabi ni Anakpawis party-list Rep. Ariel Casilao na kasama ang DENR sa mga ahensya ng gobyerno na inalok ni Pangulong Rodrigo Duterte sa makakaliwang grupo noong Mayo 2016.
Bukod sa DENR ay inalok din ni Duterte ang Department of Social Welfare and Development (DSWD), Department of Labor and Employment (DOLE) at Department of Agrarian Reform (DAR).
Gayunpaman, tanging ang DSWD na pinamumunuan ngayon ni Secretary Judy Taguiwalo at DAR na pinamumunuan naman ni Secretary Rafael Mariano ang napunta sa makakaliwang grupo.
“Kung ibubukas muli ni Pangulong Duterte ay malugod naming pag-uusapan. We already have list before na pupuwede naming irekomenda kay Pangulong Duterte,” ani Casilao.
“Kung ibubukas niya ito sa CPP-NPA of course they will be the ones to identify or to nominate coming from progressive,” dagdag pa ng mambabatas.
President du30 kung magpapaloko ka sa mga CPP NPA mas lalong tatamarin mga yan na magtatrabaho dahil ibinigay mo ang mga hiling nila.