CPP-NPA nagmatigas kay Duterte sa landmine

Kinontra ng mga NPA ang Pangulong ­Rodrigo na itigil ang kanilang pag­gamit ng landmine.

Nagpalabas pa ng kautusan ang Communist Party of the Philippines (CPP) sa mga miyembro ng NPA na palawakin pa ang paggamit ng landmine sa kanilang pag-atake laban sa mga military at kapulisan kasama ang mga paramilitia.

Ayon sa CPP, isang lehitimong armas ang landmine na gamit pang-giyera na pinahihintulutan ng Geneva Convention at Ottawa Treaty on Landmines.

Dagdag pa ng mga rebeldeng komunista na hindi naman umano kung saan-saan lamang sila nagtatanim ng landmine.