CPP-NPA-NDF dapat sumunod din sa ceasefire

Umaasa ang pamunuan ng Department of National Defense (DND) na susundin ng Communist Party of the Philippines-New People’s Army-National Democratic Front (CPP-NPA-NDF) ang unilateral ceasefire ni Pangulong Rodrigo Duterte na dineklara nito sa kanyang unang State of the Nation Address (SONA).

Tiniyak ni Defense Secretary Delfin Lorenzana na susunod ang kanilang mga tropa sa ceasefire pero mananatili pa rin na alerto ang mga ito sa mga rebeldeng komunista.

Nagpahayag din ng kahandaan ang Armed For­ces of the Philippines (AFP) na sumunod sa idineklarang unilatera­l ceasefire ni Pa­ngulong Duterte sa mga rebeldeng komunista.

Gayunman, sinab­i ni AFP spokesperson Brig. Gen. Restituto Padill­a na mananatili pa ring mapagmatyag at handa ang kasundaluhan na depensa­han ang kanilang mga sarili sakaling atakehin pa rin sila ng rebeldeng grupo.

Ayon kay Padilla, nagpakita na ng sinseri­dad ang pamahalaan at inaasahan nilang iyon din ang ipakikita ng NPA.

Maingat ang tono ng pahayag na inilabas ng AFP kaugnay nito lalo’t noong Linggo lamang, tatlong pulis at isang non-uniformed personnel ng Philippine National Police (PNP) ang dinukot ng mga hinihinalang NPA sa Malimono, Surigao del Norte.