Mas mapapalakas na ang kampanya ng Bureau of Customs (BOC) laban sa smuggling sa tulong ng apat na bagong mobile X-ray unit na mula sa San Miguel Corporation(SMC).

Nag-turn over rin ang SMC ng apat na fixed X-ray machine sa mga terminal ng malalaking airport sa buong bansa.

“We support our government’s efforts to curb smuggling. We recognize that it’s very tough given the resources that they have. They need enough modern equipment and tools to be able to do their job efficiently,” wika ni G. Ramon S. Ang, presidente at chief operating officer ng SMC.

“We thought we can help further by providing new mobile X-ray scanners. They can easily be deployed wherever they are needed. We hope these will be of great help to the Bureau as they try to eradicate smuggling in the country,” dagdag pa niya.

Ang naturang Rapiscan Mobilecheck 636SV mobile X-ray screening units, ay magagamit para i-scan ang mga bagahe at parcel. Ito ay dadalhin sa mga daungan ng Clark, Cebu, at sa Ninoy Aquino Internatio­nal Airport.

Si Customs Commissio­ner Rey Leonardo Guerrero ang mismong nakatanggap ng donasyon. Makakatulong ang nasabing kagamitan sa pagpapatupad ng ‘non-intrusive exa­mination’ ng mga bagahe at kargamento na papasok sa mga airport, ayon sa BOC.