D-League winalis ng Phoenix

d-league-phoenix

Ipinakita ng ­Phoenix Accelerators ang ­angas matapos tunggain ang 87-78 panalo kontra Tanduay Rhum Masters sa Game 3 ng Finals at sikwatin ang titulo ng PBA D-League Foundation Cup sa Alonte Sports Arena kagabi.

Nilista ni ­conference MVP Mike Tolomia ang nine sa kanyang 21 points sa fourth perio­d kasama ang seven rebounds at four assists at kinumpleto ng Accelera­tors ang season sweep matapos talunin ang Café France sa Aspirants’ Cup.

Nag-deliver din si Mac Belo ng double-double na 14 markers at 10 boards, may 10 puntos si Ed Daquioag para itaguyod ang Phoenix sa best-of-three finals ­series.

Hinawakan ng Acce­lerators ang 32-17 bentahe, umabot pa sa 20 pero naibaba ng Rhum Masters sa tatlo.

Nagtulong sina Val Acuna at Rudy Lingganay para idikit ang Tanduay sa 66-63 sa kaaga­han ng fourth period, pero hindi nawalan ng diskarte ang Phoenix nang tumikada ng clutch baskets sina Belo at Tolomia.

“Nag-focus kami sa laro kaya nakuha pa rin namin ‘yung panalo,” ani Tolomia.

Bumira para sa Tan­duay si Jaymo Eguilos na may 16 points at six rebounds, bumakas si Reden Celda ng 14 markers at seven boards.

Iskor:

PHOENIX 87 — Tolomia 21, Belo 14, Daquioag 10, Escoto 9, Jose 9, Andrada 6, Mendoza 6, Inigo 5, Pogoy 4, Tamsi 3, Colina 0.

TANDUAY 78 — Eguilos 16, Celda 14, Acuna 13, Alolino 13, Lingganay 10, Ferrer 7, Belencion 3, Gotladera 2, Javillonar 0, Mendoza 0, Santos 0, Tagarda 0.

Quarters: 32-17, 48-34, 65-56, 87-78.