Maglalagay ng karagdagang deployment at puwersa ang Metropolitan Manila Development Authority (MMDA) sa kahabaan ng Marcos Highway at magpapatupad ng re-routing scheme dahil sa napakabigat na daloy ng trapiko.
Ayon kay MMDA General Manager Tim Orbos, ang kanilang mga traffic enforcer ang magiging manpower ng bagong tatag na Inter-Agency Committee on Traffic Management (I-ACT), kung saan magdaragdag pa ng mga deputize traffic enforcer sa naturang lugar.
Para sa kaalaman na rin ng mga motoristang babagtas ng Marcos Highway at magtutungo sa area ng Rizal, ipapatupad ng MMDA ang re-routing scheme, kung saan ang mga behikulong galing Cubao/Katipunan papuntang Antipolo ay babagtas ng Aurora Boulevard, kakanan ng Katipunan, C.P. Garcia Avenue (C5), kakaliwa ng Ortigas Avenue Extension hanggang sa destinasyon at vice versa.
Ang behikulang mula Cubao/Katipunan hanggang Antipolo ay daraan ng A. Bonifacio Avenue (hanggang Marikina City proper), deretso hanggang Sumulong Highway hanggang sa destinasyon at vice versa.
Ang mga sasakyan namang galing Antipolo patungong Quezon City ay maaaring dumaan ng Ortigas Avenue Extension, kaliwa sa Kaytikling patungong Taytay Palengke, East Bank Service Road, kaliwa sa Legaspi Bridge, kaliwa sa C. Raymundo hanggang destinasyon at vice versa.
Mula naman sa Cainta, Rizal hanggang C5, Quezon City, mula Felix Avenue kaliwa ng Kagihawaan St./Magsaysay St., kaliwa ng Amang Rodriguez Avenue, kaliwa ng Calle Industria hanggang C.P. Garcia (C5), hanggang destination at vice versa.
Ang mga behikulo namang mula Cainta, Rizal via Valley Golf hanggang Cubao, Quezon City mula Ortigas Avenue Extension, kaliwa ng Don Celso Tuazon Avenue, daraan ng Sumulong Highway hanggang destinasyon at vice versa.
para lumuwag ang EDSA exclusibong gawing pag publiko ang daan ito. baligtarin natin at sa mga pribado tanging coding lamang ang pwedeng dumaan dito, halimbawa kung Lunes ang pwedeng dumaan lang sa EDSA ay ang mga sasakyang may number ending na 1 and 2.