Davis, James pinalamig ang Heat

Nakaamba na sa Staples ­Center ang neck-to-neck finish nang tapyasin ng Miami Heat sa anim ang abante ng Los Angeles Lakers 9 minutes pa sa laro.

Pero nanlamig bigla ang Heat, sablay ang sumunod na 13 tira at anim na puntos na lang ang iniskor mula roon.

Nasakal sila sa depensa ng ­Lakers, maliban sa offensive weapon ng LA na sina LeBron James at ­Anthony Davis.

“One thing about it – if your offense is behind your defense, you’re a really, really good team,” ani James. “And I’m OK with that right now.”

Nagsumite si Davis ng 26 points at 9 rebounds, iginuhit ni James ang 12 sa kanyang 25 points sa fourth quarter at nilaktawan ng Lakers ang Heat 95-80 Biyernes nang gabi.

Dalawang 3-pointers ang ibinaon ni James sa closing minutes para selyuhan ang pampitong sunod na panalo matapos masilat sa season-opener kontra Clippers.

Maalat na 4 of 19 mula sa field sa fourth quarter ang Miami, ­naka-isang field goal lang at 6 points sa final 8:54. Diniyeta ng Lakers ang Heat sa 6 for 35 shooting sa 3-pointers, outrebounded pa ang dayo 48-37. (VE)