Hanggang Phoenix, sinundan ng boos si Anthony Davis.

Pero si Julius Randle ang bumuhat sa New Orleans Pelicans para palubugin ang Suns 130-116 Biyernes ng gabi.

Iginuhit ni Randle ang 16 sa kanyang 22 points sa third quarter, may 21 points si Jrue Holiday at 20 kay E’Twaun Moore.

Nirerendahan ng team ang minuto, naka-21 minutes lang si Anthony at nakapag-ambag ng 17 points, 8 rebounds.
May nag-boo sa Phoenix crowd nang tumapak si Davis sa free throw line. Nag-request siya ng trade noong January pero hindi binitawan ng New Orleans.

Nagkamada si Davis ng 15 points sa 6 of 7 shooting sa loob ng 13 minutes sa first half.

Nagsalansan ng 26 points si Devin Booker, 19 kay Kelly Oubre Jr. para sa Suns, tatlo ulit isang gabi matapos tuldukan ang 17-game skid.

Kinontrol ng Pelicans ang laro sa third quarter, nagawang dumikit ng Phoenix 119-112 sa 3-pointer ni Booker 2:18 pa pero nilista naman ng Pelicans ang sumunod na eight points.

“We just came out with a lack of focus, a lack of energy from the start of the game,” wika ni Randle. “It just wasn’t good, so we just tried to lock in for that second half and play like we know how to play.”