Itinutulak ng isang mambabatas sa Kamara na unahing bitayin sa pamamagitan ng pagbigti ang mga dayuhang sangkot sa iligal na droga dahil dumarami­ pa ang mga ito.

Ito ang nilalaman ng House Bill 860 na inakda ni Tarlac Rep. Victor Yap upang tumigil na ang mga ­dayuhan na gawing labortoryo ng shabu ang Pilipinas­ dahil alam nilang hindi sila mabibitay kapag sila­ ay mahuli.

Patunay dito ng pagkakaaresto ng third in command ng Sinaloa Drug Cartel ng Mexico na si Horacio­ Hernandez na natimbog noong 2015, dahil alam nito na kahit gaano karami ang drogang makumpiska sa kanya ay hindi siya bibitayin.

Maliban dito, parami nang parami ang mga ­dayuhang nakikipagsapalaran sa Pilipinas tulad ng pagkakaaresto ng may 8,428 dayuhan noong 2014 na pawan­g sangkot sa iligal na droga tulad ng pagluluto at pagbebenta ng iligal na droga.

One Response