Sibak ang Atlee Junior League softball team ng Virginia sa World Series championship game nitong Sabado dahil sa isang larawang ipinoste sa social media.

Sa report ng Richmond-Times ­Dispatch, ipinarating sa Little­ League officials ang hing­gil sa photo ng ilang miyembro ng team na naglabas ng middle finger habang nagpapa-picture nitong Sabado ng umaga.

Mabilis na dinesisyunang i-disqualify sa kumpetisyon ang team na binubuo ng mga kabataang babae edad 12-14.

Kinunan ang larawan matapos talunin ng Atlee ang Kirkland American sa semifinals nitong Biyernes. Resulta ng disqualification, binigay sa Kirkland American ang spot ng Atlee sa cham­pionship game.

“After discovering a recent inappropriate social media post involving members of Atlee Little League’s Junior League Softball tournament team, the Little League International Tournament Committee has removed the Southeast Region from the 2017 Junior League Softball World Series for violation of Little League’s policies regarding unsportsmanlike conduct, inappropriate use of social media, and the high standard that Little League International holds for all its participants,” anang statement na nilabas ni Little League spokesman Ke­vin Fountain sa Times-Dispatch.

Inamin ni Atlee ma­nager Scott Currie na nagpapakita ng “poor sportsmanship” ang photo, pero hindi siya kumbinsido na sapat nang dahilan ang post para ma-justify ang disqualification.

Sagot daw iyon ng Atlee players sa treatment na tinanggap nila mula sa Kirkland American team, host city ng tournament sa Washington. Tinalo ng Atlee ang Kirkland 1-0.