Hindi umano kakayanin ng gobyerno na ibigay na ngayon ang dobleng sahod ng mga pulis at sa halip ay posibleng sa susunod na limang taon pa ito maipatupad.
Ito ang sinabi ni Budget Secretary Benjamin Diokno, kasabay ng pagsasabing ang matatanggap pa lamang ngayon ng mga pulis at sundalo ay yaong increase sa hazard pay at allowances .
Ipinaliwanag ni Diokno na base sa panukalang 2017 budget, hindi naisama rito ang alokasyon sa dobleng sahod ng mga pulis at sundalo.
Gayunman, tiniyak ni Diokno na makatatanggap pa rin ng pay hike ang mga ito bilang bahagi ng “second tranche” ng Salary Standardization Law.
“Most likely, we would first adjust the hazard pay because their lives are really on the line, as well as the allowances, so that there would be no distortion. We would study that, if the monthly salaries of police personnel is raised to P50,000 as earlier proposed, it would entail a lot of adjustments in the salaries of other personnel, in order to avoid wage distortion,” ayon pa kay Diokno.
Nauna nang ipinangako ng Pangulong Rodrigo Duterte na gagawing doble ang sahod ng Philippine National Police (PNP) at Armed Forces of the Philippines (AFP) bilang bahagi umano ng pagpapataas ng moral ng mga ito.
Nakapagfile na ng bill si Arroyo para itaas ang sahod ng pulis di ba at sinagot na ito na Mayor na hindi cya makakapaglead ng corrupt law enforcers kaya kailangan nya taasan ang sahod nila. That means balak nya tlga taasan ang sahod nila and it wont take 5 years, lol