Maglalaan ng sariling malnutrition ward sa ilang ospital ang Department of Health (DOH)-Calabarzon (Cavite, Laguna, ­Batangas, Rizal, Quezon) para higit na matutukan ang lumalaganap na malnutrition sa bansa.

Ayon kay DOH-Calabarzon Regional Director Eduardo C. Janairo na napapanahon na upang mabawasan kung hindi man tuluyang matigil ang malnutrition sa bansa at upang maisakatuparan ito ay kinakailangan ng isang malnutrition ward para sa kanila at upang mabigyan ng assessment at screening para matukoy at magamot sila.

“Malnutrition is a perennial concern in hospitals and we need to lessen or put a stop to this health problem.

Nutritional assessment and screening must be done to identify and immediately provide treatment to patients at risk”, ayon kay Dr. Janairo sa isinagawang Joint Strategic Meeting with Information Technologist and Nutritio-Dieticians.

Kabilang sa serbisyo sa malnutrition wards ay counseling, proper nutrition assessment, intervention and education sa ­pasyente.