Nagbabala ang Department of Labor and Employment (DOLE) sa publiko laban sa mga bogus na job opportunities na nagkalat sa mga social media accounts partikular sa e-mail at Facebook.
Inilabas ni DOLE Sec. Silvestre Bello ang abiso matapos ihayag ng Philippine Overseas Employment Administration (POEA) ang licensed recruitment agencies kabilang ang mga job applicants sa mga iniaalok na trabaho sa ibang bansa sa pamamagitan ng e-mail ng foreign manpower agencies.
“We received information from POEA Administrator Hans Leo J. Cacdac that a certain Omegal Manpower Services Limited, claiming to be based in Ireland, is offering commissions to interested manpower brokers or individuals that can supply workers for various job openings in Canada, Mexico and Europe. We caution the public to be wary of this offer,” sabi ni Bello.
Ayon sa POEA, ang Omegal ay nangangako sa mga local recruiters na tatanggap ng katumbas ng isang buwang sahod ng bawat isang overseas Filipino workers (OFWs) na mare-recruit nito bilang komisyon.
“The POEA has searched the online presence of this manpower company allegedly based in Ireland, but it all turned negative. There is no such agency named Omegal Manpower Services Limited,” sabi ng kalihim.
Pinayuhan nito ang mga naghahanap ng trabaho na tiyakin na lehitimo ang job offers sa pamamagitan ng verification system ng POEA at sa website poea.gov.ph, mobile phone application, o pagtawag sa telepono bilang 722-1144 at 722-1155.