Posibleng sa Enero 2017 pa maibigay ng Kongreso ang emergency power kay Pangulong Rodrigo Duterte para resolbahin ang problema sa trapiko, hindi lamang sa Metro Manila kundi sa Metro Cebu at Metro Davao.

Ito ang inamin ni House committee on Metro ­Manila development chairman Rep. Winston Castelo matapos ang pagdinig ng House committee on transportation sa panukala na bigyan ng emergency power­ si Duterte para resolbahin ang nasabing problema.

“Pinaka-matagal na siguro ang January, 2017. ­Depende sa Senado. Kami dito sa House we try to give it by December pero kung hindi sigurado sa ­January na,” ani Castelo.

Aminado ang mambabatas na kahit maibigay ang e-power kay Duterte ngayong buwan ay hindi ito makakatulong para masolusyunan ang problema na inaasahang lalala ngayong panahon ng Kapaskuhan.