Isasara ang ilang mga kalye sa Metro Manila dahil muling magsasagawa ng road restoration at asahan na ang mas matinding trapik ngayong wee­kend.

Sa traffic advisory kahapon ng Metropolitan Manila Development Autho­rity (MMDA), mula alas-11:00 ng Biyernes hanggang sa Lunes (Disyembre 3), alas-singko ng umaga ay magpapatupad ng road re-blocking ang Department of Public Works and Highways (DPWH).

Narito ang mga apektadong area: Southbound C-5 Road tabi ng SM Aura (2nd lane from median), C-5 Road bago mag-Pasig Boulevard, C5 flyover, EDSA Scout Albano pagkatapos ng Scout Borromeo (beside sidewalk).

Sa Northbound ng EDSA pagkatapos Oli­veros St. (2nd lane from sidewalk), Batasan Road near CSC Central Office (4th lane from center), Agham Road fronting Occupational Safety & Health Center (2nd lane from center) at opposite ng PSHS (2nd lane from center).

Magsasagawa rin ng road restoration sa Mindanao Avenue(SB) mula Socorro St. hanggang Mindanao Avenue, Visayas Avenue-Road 1 intersection.

Pinayuhan ng MMDA ang mga motorista na iwasan ang nabanggit na mga lugar para hindi maabala.