Lumagok si Simon Enciso ng 23 points, 5 assists, 4 rebounds, at steal upang bisigin ang Alaska Milk sa banderang tapos na paglango sa Barangay Ginebra San Miguel, 104-78, Linggo ng gabi sa 44th PBA 2019 Philippine Cup elims sa Ynares Center-Antipolo City.
Umagapay sa Aces guard 20 markers, 8 feeds at 6 boards at stl. si Chris Banchero upang habang may tig-12 pts. sina Carl Bryan Cruz at Chris Exciminiano.
Angat ang matitikas na mga maggagatas sa 3-2 para sumampa sa tersera sa team standings, nakabawi sa 94-80 loss sa Phoenix Pulse noong Biyernes, Mar. 1.
Maagang bumutas sina Enciso at Banchero upang hindi papormahin ang wala sa pormang Gin Kings na galing sa tatlong linggong pahinga para sumadsad sa 3-3, akma para sa ika-6 na puwesto.
Hindi man lang umalma ang crowd darlings, na natambakan ng hanggang 30 puntos na kinalagot ng kambal na ragasa.
Huling umaksyon pa ang Ginebra nang senglutin ang Blackwater, 85-67, noong Peb. 9 sa Davao del Sur Coliseum.
Nasayang ang doble-dobleng kayod nina Japeth Aguilar at Greg Slaughter. Nagpader si Aguilar ng 17 pts. at 11 rebs. habang may 15 at 14 si Slaughter.