Binalikat ni Biboy Enguio ang starters ni Muntinlupa City Cagers coach Richard Melencio sa paghawla ng 12 points, 11 rebounds, 3 steals at 2 assists nang maeskapuhan ang SOCCSKSARGEN Marlins, 58-55, Biyernes sa 3rd Maharlika Pilipinas Basketball League 2019 Lakan Cup eliminations sa Caloocan City Sports Center.
Dalawang free throw ni Enguio ang nagkaloob sa Cagers ng biggest 17-point lead sa game, 4:47 sa third quarter, bago pinagpag ang late endgame rally ng Marlins upang mabutas na rin ang unang panalo tapos ng apat na tilapon.
Tampok sa pagbangon din ng Munti ang 14 markers ni John Kervin Ortuoste para bulilyasuhin ang debut game ng SOCCSKSARGEN sa may 31 koponang liga. (LO)