INILABAS muli ni Jobert Sucaldito ang kanyang hinaing sa Facebook ­dahil hanggang ngayon ay suspended pa rin siya, pero with pay.

Hindi niya alam kung kailan siya pababalikin o kung hindi na ba. Kaya na-paralyze ang kanyang career sa radio.

Naghimutok itong sa kalagayan niya ngayon ay dito niya nakilala ang mga totoong kaibigan, at mga kaibi­gang maganda ang pakikipagharap sa kanya, pero nagbubunyi sa sinapit niya.

Bahagi ng ipinost ni Jobert sa FB, “Looks like almost everyone around enjoys my suspension. Fiesta for those who don’t like me  some want to ­replace me…

“Masakit on my part pero wala akong choice kundi ang maghintay sa desisyon ng mga diyos sa loob, di ba?

“Yes, they’ve truly paralyzed me  hindi ako makagalaw dahil I have an ­existing contract with DZMM pero pasasaan din ‘yan at may balik din ang lahat.”

Mala-Pres. Duterte ang sarcastic statement na pasasalamat si Jobert sa mga dating kaibigang nagdemanda na sa kanya.

Sabi ni Jobert, “Maraming salamat kina Erik Santos at Erickson ­Raymundo for showing to me the reality of it all.

“The ball may be in their hands now pero one day, I will make sure that I get the last laugh!”
Hindi nagpaburo si Jobert dahil marami siyang mga alagang inaasikaso ang career.

Mukhang dagdag pa sa alaga ang abogado niyang si Atty. Ferdie Topacio dahil magaling din itong kumanta.

Kaya kasama si Atty.Topacio sa concert nina Michael Pangilinan at Prima Diva Billy mamaya na pinamagatang Not Just The 2 of Us sa Music Box sa Timog Av., Quezon City.

Isa si Atty. Topacio sa special guests na kabilang din sina Hashtag Nikko, Kiel Alo Ezekiel, at The Pink ­Mannequins.