Inaasahan ni Philippine Southeast Asian Games Organizing Committee (PHISGOC) Chairman Alan Peter Ca­yetano na aagaw ng matinding pansin ang unang pagsasagawa ng electro­nic sports o eSports bilang isa sa mga re­gular na medal sports sa 30th Southeast Asian Games sa bansa sa Nob. 30-Dis. 11.

“A lot of interest has been genera­ted by our hosting of SEA Games that is why we wanted to put out the best games that will not just introduce our country as a new Philippines to the region,” sabi ni Cayetano. “Also, we have been also optimistic with regards to the electronic sports that has been ge­nerating a lot of attention worldwide.”

Isa lamang ang electronic sports na paglalabanan sa itinakdang 56 sports para sa ikaapat na pagho-host ng bansa sa kada dalawang taong multi-sport event.

“Every day, a lot of people are as­king about how they could watch the games about eSports. Not just here but also in the entire region and even in our neighboring Asian countries,” dugtong ni Cayetano.

Una nang inihayag ng PHISGOC na mamamahala sa mga laro ang Team Razer sa lima sa anim na paglabanan sa eSports na kabibilangan ng Dota 2, Starcraft 2, Tekken 7, Mobile Legends: Bang Bang, at ang Arena of Valor.

Ang ikaanim at huling laro ay patuloy na pinagdidiskusyunan ng eSports Ad-hoc Committee.