Mga laro ngayon (The Arena, San Juan)
10:00 a.m. — Army vs. IEM (m)
2:00 p.m. – BaliPure vs. Air Force (w)
4:00 p.m. — Pocari­ Sweat vs. Power Smashers (w)
6:00 p.m. — Creamline vs. Perlas (w)

Lahat ng mata, naka­tuon sa pagbabalik ni Alyssa Valdez.

Gigiyahan ng volleyball superstar ang Creamline Cool Smashers ­laban sa Perlas sa tampok na laro ng triple-header sa ­opening day ng Premier Volleyball League Reinforced Conference nga­yon sa The Arena sa San Juan.

Sa partnership ng ­organizing Sports ­Vision at ABS-CBN, live na mapa­panood sa TV at o­nline ang mga laro.

Matindi rin ang support crew ni Valdez kina Aereal Patnongon, Coleen Bravo, Jamela Suyat, Janet Serafica, Ivy Remulla, Pau ­Soriano, Joyce Palad, Aurea Racra­quin at Jonalyn Ibisa. Aasa rin si coach Tai Bundit sa reinforcements ng Creamline na sina Kuttika Kaewpin at ­Laura Schaudt.

Sa Perlas side ang mga dating pambato ng UP at Ateneo, aayuda­han nina Brazilian Rupia Inck at Japanese Naoko Hashimoto.

Pinaghalong experience at youth ang ipaparada ng Perlas Lady Spikers kina Amy Ahomiro, Sue Roces, Dzi Gervacio, Ella de Jesus, Sasa Devanadera­, Jem Ferrer, at dating Lady Maroons na sina Kat Bersola at Nicole Tiamzon.

“The core of the squad has so much experience and we welcome the addition of Kat and Nicole, they will give this team energy,” wika ni Perlas coach ­Jerry Yee.

Mapapanood ang women’s matches nang live sa S+A Channel 23 at livestream sa www.sports.abs-cbn.com./livestream.