Mga laro ngayon (The Arena, San Juan)
3:00 p.m. — Generika-Ayala vs. Sta. Lucia
5:00 p.m. — Petron vs. Cignal
7:00 p.m. – Foton vs. Kobe Shinwa

Lahat ng mata, focused sa dayong Kobe Shinwa Women’s University na bibinyagan ng Foton sa Belo Philippine Superliga Invitational Conference sa The Arena sa San Juan mamaya.

Nagbanta ang Japanese squad ng all-out war para agawin ang korona ng women’s club tourney na suportado ng Asics, Mikasa, Senoh, Mueller at official broadcast partner TV5.

Blangko ang local teams sa laro ng Kobe Shinwa, walang makuhang videos ng mga da­ting laro. Pero noong January ay hinarap ng Ateneo sa isang friendly match sa Osaka.

“For my opinion, this Japanese team definitely­ plays Asian brand of volleyball, which means that they are fast, strong and very organized. We have to be ready,” lahad ni Tornadoes coach Moro Branislav.

Problemado lang ang Foton dahil wala si skipper Dindin Manabat na inabot ng Grade 2 MCL injury sa match nila kontra Sta. Lucia. Gagawa­ ng adjustments ang Tornadoes at pipigain ni Branislav sina Grethcel Soltones, Maika Ortiz, Ivy Perez at Ivy de Leon.

“In behalf of the university, I’d like to extend my gratitude to PSL president Ramon Suzara and everyone who prepare for this wonderful and successful event,” parating naman ni Kobe Shinwa coach Kiyokazu Yamamoto.

Ayon kay Kobe Shinwa team captain Chichiro Fujiwara, bibigyan nila ng magandang laro ang Foton, Cignal at Petron bilang paghahanda na rin sa sarili nilang collegiate league.

“I think we can fight well in our upcoming college this April,” ani Fujiwara sa press briefing sa Robinsons Magnolia kahapon. “We hope to use this experience to win the title in our college league.”