Hindi na lalaro sa kabuuan ng season si Roger Federer, kasama rito ang Rio de Janeiro Olympics at US Open, para protektahan ang kanyang inoperang kaliwang tuhod.

“More extensive rehabilitation following my knee surgery earlier this week,” post ni Federer sa kanyang Facebook page nitong Martes.

“The doctors advised that if I want to play on the ATP World Tour injury free for another few years, as I intend to do, I must give both my knee and body the proper time to fully recover,” aniya.

Mag-35 na sa Aug. 8 si Federer, may-ari ng record 17 Grand Slam titles, kaya sa sinabi niyang “another few years” ay nabuhayan ang kanyang fans na makita pa siya ng mas matagal sa paghawak ng raketa.

Si Federer ang unang miyembro ng binansagang Big 4 ng tennis – kabilang sina No. 1-ranked Novak Djokovic, 14-time major champion Rafael Nadal at 2012 gold medalist Andy Murray – na umatras sa rio Games. Sa Aug. 6 papalo ang kumpetisyon sa tennis, isang araw pagkatapos ng opening ceremonies.