Madaling nilista ng FEU-NRMF-Gerry’s Grill at PCU ang magka­hiwalay na panalo sa 2017 MBL Open basket­ball championship sa EAC Sports Center.

Nilampaso ng FEU-NRMF ang EAC 114-77, hindi pinaporma ng PCU ang PNP 85-64.

Mula umpisa ay kontrolado ng FEU ang laro hanggang kumpletuhin ang coast-to-coast win. Tumipa si ­Raniel Jake Diwa ng 25 points para pangunahan ang balan­seng atake ng Fairview-based Tamaraws. Nag-ambag ng 17 ­markers si Dexter Zamora, may 14 si Fil-German Glenn Gravengard sa ­Tamaraws ni coach Pido Jarencio.

May 15 points si ­Jethro Mendoza sa ­Generals.

Binalikat ng troika nina Jon Von Tambeling, Yves Sazon at Michael Ayonayon ang Dolphins sa panalo. Nagsumite ng tig-18 points sina Tambeling at Sazon, may 15 si Ayonayon.

Hindi kinayang pa­sanin ng 23 points ni da­ting UE star Olan Omi­ping ang PNP Res­ponders.