KUALA LUMPUR — Naipanalo ng national men’s ice hockey team ang apela nitong Sabado na ma-reinstate sina Filipino-Canadian players Carlo Martin Tenedero at Paul Gabriel Sanchez na parehong unang na-disqualify ng Southeast Asian Games organizers dahil sa eligibility rules.

Ayon kay team manager Petronilo Tigaronita, pinarating sa kanila ni chief of mission Cynthia Carrion ang magandang balita na naipaglaban ang eligibility ng dalawang players.

Ini-scratch ng Malaysian hosts sina Sanchez at Tenedero sa PHL ice hockey lineup dahil hindi daw sila nakatugon sa required 16-month residency rule.

“But we have proof and documentation, including certification from their respective barangays that they have stayed in the Philippines since April 2016,” giit ng teammate nilang si Francois Emmanuel Gautier.

Malakas na forward si Sanchez at isa sa best defenders si Tenedero.