Ikinampay ni Filipino-American Courtney Melissa Tan-Gray ng Palawan ang top honors sa women’s 10-kilometer open water swimming competition sa Day 1 ng Pilipinas International Beach Sports Festival sa Baywalk sa Puerto Prin­cesa, Palawan kahapon.

Nagsumite si Gray, 19, ng 2 hours, 38 minutes, 2 seconds para mag-reyna sa event na sinaksihan ng Pinay na inang si Vivian at mga kamag-anak. Retiradong sundalo ang Amerikanong ama ni Gray.

Sumegunda si Erika Kristy Lukang (2:42.57).

“I’m so happy to win this event at home. It was fun,” lahad ni Gray, ilang linggo lang ang nakakaraan ay nag-graduate sa British International School sa Phuket, Thailand.

“With my perform­ance today, I think I’m ready to compete in another level. I really hope to represent the country in the coming SEA Games.”

Inimbitahan ni Puerto Princesa City mayor Luis Marcaida III si Gray sa flag-raising ceremony ng lungsod ngayong Lunes sa City Hall para ipakilala bilang bagong pride ng Palawan.

Sa men’s, 1-2-3 sina national team members Teodoro Roy Canete (2:13.38), Mico Anota (2:17.57), at Jyan Carlos Abad (2:26.14).

Kahapon din nagsimula ang bakbakan ng 10 men’s teams at tatlong women’s squads sa beach water polo.