FIRST TIME!

Sa pang-anim na season sa PBA, sa unang pagkakataon ay biyaheng Finals na ang Meralco.
Balik din si championship showdown si coach Norman Black.

Ginawang tuntungan ng No. 4 Bolts ang 94-88 Game 5 win laban sa No. 1 TNT KaTropa para mauna­ nang sumampa sa Governors Cup Finals sa Smart Araneta Coliseum kagabi.

Hihintayin ni Black at ng Bolts ang makakatapat sa kampeonato ng season-ending conference alinman­ sa Ginebra o defending champion San Miguel Beer na may winner-take-all sa sariling serye­ mamaya sa Big Dome din.

Sina Black, ace point guard Jimmy Alapag at Jared Dillinger ay pare-parehong galing TNT na ­lumipat sa sister-team Meralco. Si Alapag ay nag-retire na sa Texters, bumalik sa paglalaro, inabot ng injury, nakabalik ulit at ngayon ay nasa finals na ­naman.

Bago ang laro, kulang ng limang 3s si Alapag para pantayan ang all-time record ni Allan Caidic na 1,242 career three-pointers made. Walang pumasok sa tira ng Mighty Mouse mula long range pero tulad ng dati ay siya ang namuno sa plays sa loob.

“I am really happy for the team, for the players,”­ bulalas ni Black. “They worked hard, they put on the extra work. We’d come a long way since the first conference. It’s not over yet but I can’t be more proud of my players and I am happy for the Meralco­ community.”

Ayaw pakabog ng Meralco sa mas matikas na TNT, ayaw sumuko nina Alapag, Reynel Hugnatan,­ Cliff Hodge, Chris Newsome at Allen Durham. ­Tumapos si Hodge ng game-high 32 points, may 19 si Durham, 16 kay Hugnatan at 15 si Newsome.

Tumapos ng team-high 25 points si Jayson Castro­ sa TNT bago napatalsik dahil sa magkasunod na technical fouls 2:20 pa sa laro at naghahabol ang KaTropa, 83-76. Hindi na nakarekober ang Texters­.

Tagged

FIRST TIME!

Mga laro ngayon (The Arena, San Juan)
12:00 noon — San Sebastian vs. Mapua (srs)
2:00 p.m. — Lyceum vs. JRU (srs)
4:00 p.m. — Letran vs. San Beda (srs)

eac-auc
Kinaliwa ni Kent Sa­lado ng Arellano ­(kanan) ang wrap-around pass para makaiwas sa payong ni Sydney Onwubere ng EAC (kaliwa). Kumalas sa fourth ang Chiefs para itakb­o ang 83-74 win at gumitgit sa tuktok ng NCAA 92. (Jhay Jalbuna)

Sumiksik sa ­tuktok ng team standings ang Arellano University Chiefs matapos balatan ang Emilio Aguinaldo College Generals, 83-74, kahapon sa 92nd NCAA men’s basketball tournament sa The Arena sa San Juan.

Kinalawit ni Jiovani Jalalon ang 21 markers, nine assists at eight rebounds at sa unang pagkakataon ngayong season ay sumampa ang Chiefs sa liderato kabuhol ang San Beda College sa 10-2 cards.

“It feels good to be on top for the first time this year,” ani Arellano U coach Jerry Codiñera.

Tumikada rin si Kent Salado ng 15 points at nine boards, nag-ambag si Lervin Flores ng 10-10 para tulungan ang Chiefs na kumalas sa fourth quarter mula sa mahigpit na kapit ng Generals.

Semplang sa 3-9 ang EAC.

Tumibay naman ang kapit ng Perpetual Help Altas sa third spot matapos kawawain ang College of Saint Benilde Blazers, 70-45, sa unang laro.

Muling sinandalan ng Altas ang kanilang depensa para mahablot ang 9-3 karta at solohin ang tersero.

Lalong nanakit ang ulo ng Blazers dahil mailap pa rin sa kanila ang panalo sa 12 laro.

“We did everything right in this game after coming from a loss the last game,” sabi ni Perpetual coach Jimwell Gican. “We did well in defense.”

Tumipa si ­Nigerian import Bright Akhuetie ng 15 points, bumira si Gab Dagangon ng 12 points para sa Altas.

Nirehistro ni JJ Domingo ang 19 ­markers para sa CSB.

Tagged