Minamadali na ng Department of Public Works and Highways (DPWH) ang pagsasaayos sa anim na pangunahing flood control projects nito sa lalawigan ng Southern Leyte.

Ayon kay DPWH Region 8 Director Edgar Ta­bacon, ang P240 million flood control system ay ­inaasahang makakatulong upang maiwasan ang pag-apaw at pagguho ng lupa sa kahabaan ng Su­bang Daku River sa Southern Leyte.

Sinasabing ang naturang proyekto na pinakama­laking watercourse ng nasabing lalawigan ay dadaan sa bayan ng Sogod kabilang ang anim na flood control structures na nagkakahalaga ng P40 milyon bawat isang river sections ng Hibod-Hibod, Kanangkaan, San Juan, San Vicente, Suba at Zone 3.