KABUGAN ng dalawang Kapuso kontrabidas ang magaganap ngayong gabi sa Lip Sync Battle Philippines.
Magpi-faceoff sina Gladys Reyes at Camille Prats, na magkapareho ng genre ang piniling kanta ng sa Round 1 ng labanan.
Biritan na may kasamang dramahan ang unang salpukan.
Isang hit song ng isang Pinoy diva ang pangabog ni Gladys habang isang iconic hit ng isang Hollywood diva ang pantapat dito ni Camille.
Sa Round 2 ay magtatarayan at magpapasiklaban ang dalawa bilang Cyndi Lauper at Iggy Azalea.
Sino ang mananaig? Sino ang maaapi? At sino ang tatanghaling KontraDiva?
Tutukan ang maigting na tunggalian sa Lip Sync Battle Philippines mamayang gabi sa GMA pagkatapos ng Magpakailanman.