Gloria nag-quickie sa Saudi Arabia

Lumipad patungong Saudi Arabia si House Speaker Gloria Macapagal-Arroyo kahapon para pangunahan ang isang investment mission at maghanap ng mga negosyanteng mamumuhunan sa Mindanao.

Kasama ni Arroyo sa naturang misyon ang mga kongresistang taga-Min­danao na kinabibilangan nina Lanao Del Sur Rep. Mauyag Papandayan Jr., Anak Mindanao Party-list Reps. Makmod Mending Jr., at Amihilda J. Sangcopan, Maguindanao Rep. Bai Sandra Sema, Tawi-Tawi Rep. Ruby Sahali at Kusug-Tausug Party-list Rep. Shernee Tan.

Inimbitahan si Speaker Arroyo ng Saudi counterpart nito na si Dr. Abdullah Bin Mohammed Bin Ibharim Al Sheik, presidente ng Majlis Al Shura o Consultative Assembly of Saudi Arabia para sa isang official visit.

Ayon kay Arroyo, kasabay ng pagsasabatas ng Bangsamoro Organic Law (BOL) ay mainam na oportunidad ito para pasiglahin at palakasin ang pagnenegosyo sa Mindanao.