x – Swak na sa Final 4
y – Talsik na sa semis
Mga laro sa Miyerkoles:
(Big Dome-Quezon City)
2:00 n.h. –UST vs ADU
4:00 n.h. – NU vs DLSU
Tumuka si Isaac Go ng team-best 12 points samantalang tumahi si Ferdinand ‘Third’ Ravena III ng twin-twin job na 10 pts. at 10 rebounds para makabawi ang Ateneo de Manila University sa Adamson University 62-48 sa 81st University Athletic Association of the Philippines 2018 men’s basketball event 2nd round elims kagabi sa Ynarez Center-Antipolo City.
Triple ni Anton Asistio sa ADMU Blue Eagles ang nagbaon sa sumilat sa kanila sa first round na ADU Soaring Falcons sa 20, 41-21, 5:40 sa 3rd quarter, dobleng pigurang hindi na natabas ng huli na nagbigay sa una ng 10-2 win-loss record, kapit sa solo lead at pinako ang biktima sa segundo sa paglagpak sa 7-3.
May 13 pts. si Jerom Lastimosa sa panig ng San Marcelino-based team at nag-ambag si Jerrick Ahanmisi ng 10 puntos, kulang pa rin para di masawata ang mga basketbolistang taga-QC na dumeretso sa ika-5 ragasa.
Ang iskor:
ADMU 62 – Go 12, Ravena 10, Asistio 9, Tio 6, Kouame 6, Verano 5, Nieto Ma 5, Mamuyac 4, Nieto Mi 3, Belangel 2, Wong 0, Mendoza 0, Navarro 0
ADU 48 – Lastimosa 13, Ahanmisi 10, Sarr 9, Manganti 6, Mojica 3, Camacho 2, Magbuhos V 2, Zaldivar 2, Macion 1, Pingoy 0, Catapusan 0, Colonia 0, Bernardo 0, Maata 0, Magbuhos W 0
Quarters : 9-9, 26-17, 46-31, 62-48.