Ipinagmalaki ni Pangulong Rodrigo Duterte sa mga dumalo sa 9th National Biennial Summit On Women In Community Policing sa Apo View Hotel, Davao City nitong Biyernes ng gabi, Setyembre 30, kung saan ito ang naging tagapagsalita na ramdam na ang pananahimik ng makakaliwa at tropa ng gobyerno dahil sa ginawa niyang inisyatibo.
“Nakausap ko ang left. Kita mo wala na tayong giyera. Nakausap ko si Murad pati Jaafar.
So there’s a lull in the fighting there. Kinausap ko si Nur (Misuari). Sabi niya ‘we have to talk’. Sabi ko ‘get out there, maglakad ka lang’,” pahayag pa ng Pangulo.
Sinabi pa ng Pangulo na sagot niya sa huli ang makakaliwang lider na makikipagnegosasyon sa kanya.
“Sabihin mo lang na you want to talk to me. Walang huli sa’yo. That’s my order to the police and the military. Why? I am not a wartime President. My job is to seek peace for my land. So I have to talk to everybody,” sabi pa ng Pangulo.
Ang pakikipagnegosasyon sa makakaliwa ay isinusulong ni PDu30 upang matuldukan na ang walang humpay na patayan ng tropa ng gobyerno at makakaliwang grupo na mahabang panahon nang nangyayari.