Kumpiyansa ang isang opisyal ng Malakanyang na magagampanang maigi ni Sen. Richard Gordon ang sinalo nitong posisyon matapos mabakante ang chairmanship ng Senate Committee on Justice and Human Rights nang patalsikin ng kanyang mga kasamahan sa Senado si Sen. Leila de Lima bilang pinuno ng nasabing komite.
Sa isang pulong balitaan kahapon sa Malakanyang sinabi ni Presidential Communications Office (PCO) Secretary Martin Andanar na binabati o kino-congratulate nila ang pagkakapuwesto kay Sen. Gordon bilang head ng naturang komite.
“…we congratulate also Senador Dick Gordon…Senator Dick Gordon is an illustrious fellow. He has been in the Senate for 12 years and he also served as mayor of Olongapo, chairman of SBMA (Subic Bay Metropolitan Authority).
This guy is ano — is one of the brightest leaders we have. So I am pretty certain that Senator Gordon will do an excellent job,” paghahayag kahapon ni Andanar.
Nang tanungin si Andanar kung okay pa rin ba sa palagay nito na iprisinta si Edgar Matobato ngayong si Sen. Gordon na ang pinuno ng komite ay ganito ang itinugon ng Palace official, “let’s allow the Senate to decide”.