Sa solidong pinakita ni Royevel Palma sa mound, binokya ng no. 17 Philippine Blu Girls ang no. 20 Guatemala 5-0, para sa second win sa three matches ng XII Junior Women’s Softball World Championships kahapon sa Eddie C. Moore Softball Complex sa Clearwater City, Florida.
Kumpletong nag-pitch si Palma sa game shutout at nagpapasok lang ng two hits sa pagbabalik-track ng Pinay softbelles makaraang matalo kamakalawa sa no. 9 Taiwan (13-0) para sa 2-1 record sa Section A.
Sa opening noong Lunes, nasilat din ng Filipinas ang no. 12 Italy 10-3 sa 26-nation, weeklong tournament.
Laban sa Guatemalans, nakapasok sa scoring ang mga Pinay sa third frame tapos maka-single ni Reese Guevarra na naghatid kay Mae Langga sa home. Nadoble pagkaraan ni Mary Maguad ang abante nang masamantala ang catcher’s error para makarating sa plate.
Pinalawig ng Jr. Blu Girls ang bentahe sa three-run spree sa fifth.
Sunod sa PHL squad ang unseeded at winless pa sa four games na Turkey.