“Lahat ng illegal recruiters, hindi na kailangang may biktima pa. I will order the arrest of all recruiters operating without the proper permit.”
So, sino ang nagsabi ng statement na ‘yan? Si PNP chief Director General Ronald ‘Bato’ dela Rosa ba?
Don’t know kung makatulong ito as clue pero sinabi rin niya na: “I would know if I see one. I can smell a rat a mile away.”
Crack down
Okay, you guessed right kung ang hula n’yo ay ang ating tough-talking President Rodrigo Duterte. Yes, iyan ang marching order ng Pangulo sa concerned agencies.
Crack down and crack down hard on illegal recruiters. Scum of the scums ang illegal recruiters dahil ang binibiktima nila ay iyong walang-wala.
Imagine, naghahanap ng trabaho ang mga tao tapos ay nagagawang lokohin nitong mga illegal recruiter at human trafficker.
Isipin na lang natin na may nagbebenta pa ng kalabaw o lupa sa probinsiya para pang-processing at placement fees tapos maloloko lang?
Unconscionable
Papaano kaya nakakain ng illegal recruiters ang perang kinakamal nila? It takes a special breed to be an illegal recruiter, hindi ba?
Kumbaga ay kapalmuks to the max talaga. So, understandable kung may special order ang Pangulo to go after illegal recruiters.
Kung tutuusin ay kasing-sahol ng mga drug pusher ang illegal recruiters at human traffickers dahil pare-pareho lang sila na sumisira ng buhay ng mga tao.
Got ya
In line sa utos ng Pangulo, kumikilos ang Anti-Illegal Recruitment Operatives ng Philippine Overseas Employment Administration (POEA) sa pakikipagtulungan sa Anti-Transnational Crime Unit ng Criminal and Investigation and Detection Group (CIDG).
Just recently ay isang mag-asawa ang nasakote ng naturang mga operatiba sa isang entrapment operation sa isang supermarket sa Quezon City. Narekober sa mga suspect ang marked money mula sa kanilang biktima na pinangakuan ng trabaho sa Qatar.
We expect more of these kinds of operations laban sa mga illegal recruiter. Pero dapat ding tutukan ng POEA at ng CIDG ‘yung mga licensed POEA agencies na kung mag-operate ay parang illegal recruiters din.
Follow Me On Twitter @beeslist. Kung may ipinagsisintir, tawag na sa 551-5165 o mag-email sa usapang_ofw@yahoo.com.