Isang guro at anak nito ang arestado sa isang buy-bust operation sa Culasi, Antique.
Dinakip sina Jacquiline Iris Pierce, 52, at anak na si Theodore Charles Pierce Eloriaga, 21, kapwa residente ng Poblacion village ng lugar.
Bandang alas-otso ng umaga kamakalawa nang dakipin ang mga suspek sa isang buy-bust operation ng mga kasapi ng Culasi Police Station at Antique Provincial Anti-Illegal Drugs Special Operations Task Group sa harap ng public market sa Centro village, Poblacion, Culasi.
Si Jacquiline ay isang Grade 3 public school teacher habang wala namang trabaho si Theodore.
Sinabi ni Insp. Bryan Alamo, si Jacquiline ay ikatlo sa watch list ng mga sangkot sa iligal na droga.
Nakumpiska mula sa mga ito ang apat na sachet ng shabu at P500 marked money.