Hasmine, PASABOG sa Cinemalaya

Ron at Hasmine

Hands down choice namin for BEST ACT­RESS ang baguhang si Hasmine Killip na pa­sabog ang performance ­bilang teenage mother na ninakawan ng sanggol na anak sa Pamilya Ordinaryo.

‘Pag nanalo si Has­mine, hindi niya mata­tanggap ang balanghai trophy niya dahil nasa London siya.

Kasal ang indie act­ress sa isang Briton at doon sila nakatira sa UK.
Biro ni Hasmine nang maka-chat namin siya sa FB messenger, sa kaka­hanap niya kay Baby Arjan ay napunta siya ng London.

Nabanggit niya sa amin na ­nagti-training siya roon dahil nag-­apply siya bilang home care assistant sa London.

Runner-up namin sa pagka-Best Actress si Barbie Forteza na naki­pagsabayan at hindi nagpakabog kay Nora Aunor sa Tuos.

Hindi kami magu­gulat kung makakasilat pa rin si Judy Ann Santos para sa Kusina at si Ate Guy para sa Tuos.

Pareho nang nagwagi sa Cinemalaya ang da­lawa, si Juday sa Mga Mumunting Lihim at si Ate Guy sa Hustisya.

***

AWARDS night mamaya ng Cinemalaya filmfest 2016 sa CCP Main Theater.

Hindi namin masa­sabing it was good year for Cinemalaya, pero sa siyam na competition films na napanood namin ay merong ilan na tala­gang nagustuhan namin.

Bet namin for BEST PICTURE ang ­Pamilya Ordinaryo ni ­Eduardo Roy, Jr., na ang lakas ng impact sa amin at sob­rang napabilib kami.

Lalo ka pang ­bibilib sa pelikula dahil wala itong kilalang ­artista sa cast, pero hindi ka maghahanap ng big stars sa husay ng mga nagsi­ganap dito.

Runner-up namin for Best Pic ang art film na Tuos ni Derick Cabrido at ang black comedy na Mercury is Mine ni ­Jason Paul Laxamana.

***

BEST ACTOR ­namin ang leading man ni Hasmine sa Pamilya Ordi­naryo na si ­Ronwaldo Martin, na ang lupit ng performance bilang snatcher at rugby boy na hindi malaman ang gagawin nang manakawan ng anak.

Wish naming mapanood sa marami pang matitinong indie films sina Hasmine at Ronwaldo na mga bagong Indie Darlings para sa amin.

***

Bet naming bigyan ng Special Award for BEST KABOGERA PERFORMANCE IN A ­CAMEO ROLE si Elizabeth Oro­pesa para sa maiksi pero markado niyang eksena sa I America bilang pokpok at jologs na ina ng bidang si Bela Padilla.

Runner-up ni La Oro si Maria Isabel Lopez na pokpok na nanay din ang role sa Pamilya Ordinaryo!