Iniutos ni National Capital Region Police Office Director Guillermo Lorenzo T. Eleazar ang pagtanggal sa puwesto ng dalawang opisyal ng Eastern Police District (EPD) dahil sa pagkakasangkot ng dalawa nitong tauhan sa pagtutulak ng iligal na droga at nakipagbarilan pa sa mga operatiba ng Philippine Drug Enfrocement Agency (PDEA).
Sinibak sa tungkulin sina P/Chief Insp. Abraham Satorre, pinuno ng District Special Operations Unit (DSOPU) ng EPD at si P/Insp. Edward Olmedo, Station commander ng Pasig Police Community Precinct dahil sa command responsibility.
Pinalitan si Satorre ni P/Chief Insp. Darwin Guerrero habang si P/Senior Insp. Mario Benito ang pumalit kay Olmedo.
Noong Pebrero 22, 2019 isinagawa ang buy-bust operation laban sa isang Raymond Ryan Cruz, 35, sa Brgy. San Joaquin Pasig City, subalit habang nagpapalitan ng iligal na droga ang magkabilang panig ay pinapatukan ng dalawang pulis na sina PO2 Marlou Roldan, nakatalaga sa Pasig Police Community Precinct Station 9, at PO2 Mark Vista, ng DSOPU ang mga operatiba ng PDEA.
“It is right that these rogue cops involved in illegal drugs are caught by any law enforcement agency. Criminal and administrative charges will be filed against them immediately, and they should be dismissed from the service,” sabi ni Eleazar.