Nasa “planning stage” pa lang ang paghihimlay ng mga labi ni dating Pa­ngulong Ferdinand Marcos sa Libingan ng mga Bayani, ayon sa anak nitong si dating Senador Bongbong Marcos.

Nilinaw ni Bongbong ang usapin matapos mapaulat na nagbigay na ng pahintulot si Pangulong Rodrigo Duterte na ilibing­ si ex-President Marcos sa Libingan ng mga Bayani.

Sinasabing hero’s burial na may kasama pang 21 gun salute ang iaalay kay Marcos sa Setyembre 18 pero ayon­ sa klaripikasyon ni Bongbong pinaplano pa lamang ito.

Kaugnay nito, mariin namang sinalungat ni Senadora Leila De Lima ang paglilibing kay Marcos sa Libingan ng mga Bayani.

“Alam n’yo po magi­ging malaking isyu na naman ‘yan kung ipupursige po ‘yan kung itutuloy po ‘yan ng administrasyon ang paglilibing ni dating­ Pangulong Marcos sa Li­bingan ng mga Bayani.

I would see, I would think that it will become another­ big and divisive issue. Pag­lalapastangan ho kasi ‘yan sa memory nu’ng mga ­libu-libo na naging biktima ng mga pag-aabuso, karahasan… nu’ng Martial Law era natin the dark age­s of Martial Law,” pagkomento­ ni De Lima sa panayam kahapon ng hapon.