Lydia de Vega
Kaarawan: Disyembre 12, 1964
Palakaibigan lalo na sa mga katulad niya ng interes at prinsipyo sa buhay. Mabilis silang humanga sa mga tao na mahilig magbasa at magbiyahe. Wala silang ibang hangarin sa isang relasyon kundi ang pagiging matapat at mapagmahal.
ARIES (Marso 21-Abril 19) – Iwasang magsalita ng tapos. Masasayang ang oportunidad kung magiging mapili sa trabaho. ‘Wag patalo sa takot. Walang mangyayari kung mananahimik lang. Lucky color: Gray, lucky number: 40.
TAURUS (Abril 20-Mayo 20) – May mga sitwasyon na hindi mo inaasahan. Sa mga ganitong pagkakataon masusukat kung sino ang mga tunay na kaibigan. Lucky color: Green, lucky number: 21.
GEMINI (Mayo 21-Hunyo 20) – May mga pagkakamali na magagawa sa pagsisimula ng araw. Sa bandang huli ay maituturing mo itong blessing in disguise. Madidismaya sa una pero magpapasalamat ka rin kalaunan. Lucky color: Blue, lucky number: 54.
CANCER (Hunyo 21-Hulyo 22) – Sa gitna ng delay sa mga plano, iwasang magsalita ng hindi maganda. Maging responsable kahit sa kilos o gawa. Huwag sayangin ang magandang pangalan dahil sa maliit na bagay. Lucky color: Orange, lucky number: 4.
LEO (Hulyo 23-Agosto 22) – Hindi sa lahat ng pagkakataon ay ikaw ang masusunod. Ikaw naman ang makibagay sa mga kasama. Mas magiging maganda ang kalalabasan ng trabaho kung may pagkakaisa. Lucky color: Maroon, lucky number: 11.
VIRGO (Agosto 23-Setyembre 22) – Ibaba ang pride. Walang idudulot na maganda sa pagsasama kung magiging mataas. Iwasan ang pagkukumpara. Hindi lahat ay magkakapareho. May kanya-kanyang katangian ang bawat isa. Lucky color: Red, lucky number: 12.
LIBRA (Setyembre 23-Oktubre 22) – Mababawasan ang nararamdaman mong stress kung medyo ibababa ang standard sa buhay. May mga nangyayaring hindi na kailangang bantayan. Magtiwala na may darating na bagong pag-asa. Lucky color: Violet, lucky number: 33.
SCORPIO (Oktubre 23-Nobyembre 21) – Magiging madali ang bawat plano kung nakikiayon ang lahat. Huwag magpaimpluwensiya sa iba sa gagawin mong desisyon. Mahirap nang masisi sa maling impormasyon. Lucky color: White, lucky number: 48.
SAGITTARIUS (Nobyembre 22-Disyembre 21) – Sa pagkakataong ito, mas paborable ang pagtutulungan. May mga komplikasyon na mareresolba lamang sa team effort. Ibahin ang maling asal sa pakikitungo sa ibang kasamahan. Lucky color: Red, lucky number: 29.
CAPRICORN (Disyembre 22-Enero 19) – Kailangan mo lamang ng determinasyon. May mga pagsubok at hadlang sa iyong daan pero ang lahat ng ito ay iyong malalagpasan. Maniwala sa sariling kakayahan. Lucky color: White, lucky number: 56.
AQUARIUS (Enero 20-Pebrero 18) – Hindi maiiwasang gumawa ng pagkakamali. Isapuso ang magandang aral ng mga nangyari. Magigising sa isang biglaang kaganapan na hindi mo inaasahan. Lucky color: Maroon, lucky number: 6.
PISCES (Pebrero 19-Marso 20) – Maninibago sa simula. Unti-unti mo nang nagagamay ang lahat sa paglipas ng mga araw. Manatili sa lugar dahil diyan darating ang iyong suwerte. Lucky color: Green, lucky number: 40.