Matapos tapikin ang isa sa pinaka-astig na playmaker sa amateurs na si Jio Jalalon sa special draft ng Gilas players sa Robinsons Place-Manila kahapon, napipintong magpakawala ng guards ang Star.
Isang official ng Hotshots ang nagsabing may kinakausap na silang dalawang teams na posibleng maging interesado sa kanilang backcourt players.
Bago dumating si Jalalon ay puno na ang backcourt ng Star pagdating ni Paul Lee mula Rain or Shine kapalit ni James Yap. Nasa Hotshots din sina RR Garcia, Mark Barroca, Justin Melton, PJ Simon at Alex Mallari.
“With Jio magiging seven ang guards namin, so we are looking at trades para naman mabawasan sila and at the same time makakuha kami ng pamuno sa kulang namin which is another wingman,” anang source.
Dinagdag nitong matapos i-trade si Yap, si Allein Maliksi na lang ang natural wingman ng Hotshots.
May isa pang puwesto na tangkang punan ng Star.
“We have to have another big,” dagdag nito.
Sina Ian Sangalang, Marc Pingris, Rafi Reavis at mga mas maliliit na sina Jake Pascual at Rodney Brondial ang isinasagupa nila sa frontcourt.
“We really have to beef up our front line dahil undersized kami compared sa ibang teams,” rason ng official.