MAS matinding pasikatan ang masasaksihan sa Kapamilya talent-variety show na I Can Do That ngayong weekend.
Bukod sa paglalaban-laban ng pitong natitirang iCandidates sa acts ng kanilang napili ay magiging katapat na rin nila ang kani-kanyang partner.
Kung dati ay kakampi nila ang kasama nilang iCandidate sa act, ngayon ay magiging katunggali na nila ito sa pagkuha ng puntos.
Maapektuhan kaya nito ang pagtutulungang kailangan para gumanda ang kanilang performances?
Magpapabilib sina JC Santos & Gab Valenciano sa rhythmic gymnastics act, sina Arci Muñoz & Wacky Kiray sa foot puppet act, at ang trio nina Cristine Reyes, Daniel Matsunaga & Sue Ramirez sa chair balancing act.
Isang iCandidate na lang din ang tatanghaling winner kada linggo.
Matapos ng lahat ng performances, iboboto ng iCandidates kung sino ang natatanging nangibabaw sa bawat act.
Mula sa mga ito pipiliin ang weekly winner na pagbobotohan ng studio audience.
Noong nakaraang linggo, nagpaalam si Pokwang sa kumpetisyon matapos niyang mag-volunteer na umalis para maglaan ng mas maraming oras sa kanyang anak.
Ngayong pito na lang sila, nananatili pa ring top scorer si Daniel.
Maungusan na kaya siya ng iba ngayong linggo?
Alamin sa I Can Do That ngayong Sabado at Linggo, 9:45 PM sa ABS-CBN.