MAGDIRIWANG si Jamie Rivera ng ika-30 taon sa showbiz sa pamamagitan ng Hey It’s Me, Jamie! 30 Years The Concert na magaganap sa Music Museum sa Setyembre 8 (Biyernes) nang 8:00 PM.
Ang tatlong dekada niya sa showbiz ay markado ng iba-ibang klase ng awitin — love songs, awitin para sa anak at pamilya, at inspirational songs.
Ayon sa Inspirational Diva, “Mahalaga ang constant reinvention sa ating sarili, lalo na para magamit ang talents na ibinigay ng Diyos.
“Ibinabalik ko rin sa Kanya ito dahil sa blessings at pagmamahal na galing sa Kanya, nandito pa rin ako pagkatapos ng 30 taon.”
Sasamahan si Jamie ng mga kaibigan sa industriya tulad nina Pinky Amador, Ito Rapadas, Jenine Desiderio, Bimbo Cerrudo, Jason Zamora at Joshua Zamora.
Tampok din dito sina Jona, Klarisse, Bailey May at Janella Salvador.
Kabilang sa inspirational songs ni Jamie ang Tanging Yaman, Tell The World of His Love, Hiram Sa Diyos, Jubilee Song, at ang theme song para sa pagbisita ni Pope Francis sa Pilipinas noong 2015, ang We Are All God’s Children.
Pinasikat din niya ang mga awiting I’ve Fallen For You, Pangarap Ka Na Lang Ba, at Hey It’s Me.
Mabibili na ang tickets sa Hey It’s Me, Jamie! concert sa halagang P3,500 (VIP), P2,500 (orchestra), at P1,000 (balcony). Ang mga interesadong manood ay maaaring tumawag sa Ticketworld sa numerong 891-9999 at sa Music Museum sa 721-6726.
Para sa karagdagang impormasyon, bisitahin ang Starmusic.ph o sundan ito sa Facebook (facebook.com/starmusicph) at sa Twitter at Instagram @starmusicph.