Umpisa na ng trabaho ng Rebisco-PSL Manila sa Asian Women’s Club Championships, Japan ang ­unang asignatura ngayon sa Boris Alexandrov Sports Palace sa Ust-Kamenogorsk, Kazakhstan.

Gagamitin ng Filipinas ang torneo bilang tune-up para sa Southeast Asian Games sa August.

“One of the models we are looking at is that of ­Japan because of its speed and discipline,” lahad ni national team coach Francis Vicente. “We will be out there fighting with all we’ve got.”

Alas-10:30 ng umaga doon ang laro, 12:30 p.m. Manila time.

Umaambon umaga ng Miyerkules, napilitan ang team na mag-foot and leg drills sa lobby ng Shiny River Hotel. Martes ng gabi ay nagpraktis din ang Filipinas ilang oras matapos ang napakahabang biyahe mula Manila.

“We are ready for the competitions,” giit naman ni 6-foot-5 Jaja Santiago ng Foton sa Philippine Superliga. “We know this is a tough competition but we are ­excited to go out there and play against the best teams.”

Sunod na haharapin ng Rebisco-PSL Manila ang Vietnam sa Biyernes, tatapusin ang Group B assignments kontra China sa Sabado.

Si Rachel Anne Daquis ang skipper ng squad kasama sina Mika Reyes, Aby Marano, Jovelyn Gonzaga, Denden Lazaro, Kim Fajardo, Bia General, Lourdes Clemente, Maika Ortiz, Gen Casugod, Ces Molina, Aiza Pontillas at Rhea Dimaculangan.