May 13 kandidato ang maglalaban para sa puwesto ng associate justice na binakante ni Supreme Court (SC) Chief Justice Lucas Bersamin.

Nabatid na nakumpleto na ng Judicial and Bar Council (JBC) ang kanilang shortlist na isusumite kay Pangulong Rodrigo Duterte para pagpilian.

Kabilang umano sa 13 kandidato na nasa shortlist ng JBC sina Court of Appeals (CA) Justices Edgardo delos Santos at Amy ­Lazaro-Javier, na nakakuha ng tig-anim na boto habang tig-limang boto naman ang nakuha nina Court of Tax Appeals Presi­ding Justice Roman Del Rosario, CA Justice Japar Dimaampao at Justice Ramon Garcia.

Nakasama rin sa shortlist sina Sandiganbayan Presiding Justice Amparo ­Cabotaje-Tang, Justice Henri Inting, Justice Jhosep Lopez at Justice Mario Lopez, sa botong tig-apat, gayundin sina Court Administrator Jose Midas Marquez, CA Justice Eduardo Peralta, Justice Ricardo Rosario at dating Ateneo law school dean Cesar Villanueva.

Samantala, nasa shortlist para sa puwestong binakante ni retired Associate Justice Noel Tijam sina Dimaampao, Lazaro-­Javier, Tang, Garcia, Marquez, Mario Lopez at ­Villanueva.