Walang kurap na sinabi ni Dwyane Wade na ang greatest player of all time niya ay si Michael Jordan.
Team Jordan si D-Wade.
Bakit hindi si LeBron James? O si Kobe Bryant?
Magkaibigan sina Wade at James, sabay pumasok sa NBA noong 2003 – No. 1 pick si LeBron ng Cleveland Cavaliers, No. 5 si D-Wade sa Miami Heat.
Dalawang championship ang binigay ng tandem sa Heat.
Nadadalas ang question-and-answer sessions ng players (kahit retirado na si Wade) sa Instagram dahil suspendido ang NBA season bunga ng coronavirus disease 2019.
Sumalang din si Wade, nag-take over sa Bleacher Report app at game na sinagot ang tanong ng fans.
Hindi nawala sa usapan ang GOAT.
“Michael Jordan,” sagot ni Wade. “I watched him win 6 titles. My biggest takeaway is the first one they won in ’91. Being a 9-year-old kid, seeing the Chicago Bulls do that – that gave me the vision to say, ‘OK, that’s what I want to do for the rest of my life.’ That’s the feeling I want to bring to this city and my family.”
Tubong Chicago si Wade, kinalakihan ang panonood kay Jordan at sa Bulls. (VE)