Walang natatanggap na banta ng paghahasik ng kaguluhan ang National Capital Region Police Office (NCRPO) kaugnay sa idaraos na 50th ASEAN (Association of Southeast Asian Nations) Foreign Ministers’ Meeting nga­yong Agosto 2 hanggang Agosto 8, ng kasaluku­yang taon.

“As of this time, so far wala naman tayong nakukuhang threat, although we are monitoring all these critical areas, ‘yung mga enclaves na sinasabi rin natin,” paghahayag ni NCRPO director Chief Superintendent Oscar Albayalde sa press briefing sa Malacañang kahapon.

Sa kabila nito, binanggit ng NCRPO chief na may ilang grupo silang binabantayan.

“We are monitoring some groups who are actually present here in Metro Manila, who are Balik Islam and other former members of the ABB (Alex Boncayao Brigade), who suspectedly nag-Balik Islam. So, these are all being monitored in relation to this meeting,” dagdag ni Albayalde.

Wala rin aniyang dapat ipag-alala ang publiko kaugnay sa posibilidad na napasok ng mga ga­lamay ng Maute ang Metro Manila at manliligalig sa okasyon.

“With regards to the specific group na Maute, wala tayong nakukuha especially those coming from Mindanao, particularly in Marawi for that matter. Ang tinitingnan lang naman natin ngayon dito is ‘yung mga…former members ng mga ABB na nag-Balik Islam.

So, ito ‘yung mga present dito sa NCR. But as of this time, wala naman tayong namo-monitor na movement nila that would probably disrupt this ASEAN mee­ting,” ayon kay Albayalde.

Gayunpaman, wala mang banta ay hindi umano nagpapaka-relaks ang NCRPO lalo na’t hindi pa natatapos ang pagdiriwang na dadaluhan ng mga kinatawan ng iba’t ibang bansa.

“Actually 100 percent foolproof ‘no hindi natin pa masabi ‘yan not unless na matapos ‘yung ASEAN without any incident whatsoever. But we have done our part. The preparations have been made since last year.

I think with all our efforts ‘no, we are very much ready to secure the leaders, ‘yung mga ministers coming here. We have task groups actually ng peace and order at tsaka ‘yung sa security.

Hindi lang kasi pagse-secure ng mga leaders ang ginagawa natin dito kundi ‘yung pati ‘yung mga target-harde­ning measures natin like we conduct the one-time-big-time operations sa mga critical areas and other areas that we suspect to be…being utilized as lairs or safe houses of suspected threat groups,” paliwanag ni Albayalde.

Samantala, inaasikaso na aniya ng Department of Social Welfare and Development (DSWD) ang street children at pamil­yang palaboy.