Kilay is Life. Iyan na ang motto ngayon ng mga babaeng hindi makakalabas ng bahay kung walang kilay. Pakialaman mo na ang kanyang buhok na itinuturing niyang crown of glory ‘wag lang ang pinakaaayos at pinakaiingatan niyang kilay. Pero ano nga ba ang sinasabi ng kilay tungkol sa iyong pagkatao? Narito at alamin mo.
1. Mataas na kilay.Kung ang kilay mo ay mas mataas kaysa pangkaraniwan ito ay nangangahulugan na isa kang mapangaraping tao. Hindi ka makukuntento sa kung ano lang ang naabot mo sa kasalukuyan. Gutom ka sa mas mataas pang pangarap na posible mo pang maabot.
2. Mababang kilay. Kung may mataas na pangarap ang may mataas na kilay hindi nangangahulugan na ang may mababang kilay ay may mababang pangarap o walang pangarap. Ang ibig sabihin nito ay isa kang maingat na tao. Pinag-aaralan muna ang mga bagay-bagay bago ito harapin. Hindi nagmamadali at palaging naglalaan ng oras para sa iba.
3. Makapal na kilay. Kung ang kilay mo naman ay makapal, ikaw ay active sa sex. Maraming nalalaman at marami pang gustong malaman tungkol dito. Sinasabi rin nito ang malawak mong pang-unawa sa mga bagay na nahihirapang intindihin ng iba.
4. Manipis na kilay. Kung manipis naman ang iyong kilay, ikaw ay malamya, babaeng-babae sa pagkilos at hindi basta-basta nagdedesisyon. Mahilig kang magmuni-muni at takot kang mabigo.
5. Kurbadong kilay. Kung ang kilay mo ay kurbado, ito ay nangangahulugan na isa kang creative na tao. Malawak at malalim ang iyong imahinasyon.
6. Tuwid na kilay. Kapag tuwid ang kilay, ikaw ay may malaking tiwala sa sarili at maaasahan sa maraming bagay. Isa ka ring kaibigan na may mabuting impluwensiya.