Face-off ang mga dati at kasalukuyang players ng De La Salle Lady Spikers at Ateneo Lady Eagles sa ‘Battle of the Rivals’, isang charity volleyball game para sa mga kabataan sa Mall of Asia Arena sa July 16.
Hatid ng Rebisco, layon ng event na makalikom ng pondo para sa scholarship programs ng Ateneo De Manila University Foundation, De La Salle University Foundation at Rebisco Foundation, Inc. Sa Buffalo Wild Wings sa Capitol Commons sa Pasig kahapon ay ipinakilala ang magkatunggali.
Pangungunahan nina Mika Reyes at Kim Fajardo ang DLSU alumnae squad nina Aby Marano, Ara Galang, Cha Cruz at Michelle Gumabago, Melissa Gohing at Cyd Demecillo.
Sina Alyssa Valdez, Jia Morado, Ella De Jesus, Denden Lazaro, Amy Ahomiro, Maddie Madayag, Jho Maraguinot at Fille Cayetano sa Ateneo side.
Best of Five pa rin ang format ng event na mapapanood sa S+A.
Available ang tickets sa www.smtickets.com at lahat ng SM ticket outlets sa presyong P2,000 (VIP), P1,500 (Lower Box A/B), P750 (Upper A), P500 (Upper B), P150 (General Admission).