Ibang klase si Kevin Durant pagdating ng playoffs, lalo sa mga sandaling kailangan siya ng Golden State Warriors.
May 95 points combined si KD sa huling dalawang panalo kontra Clippers sa first round, pasabog siya ulit sa Game 1 ng Western Conference semis kontra Houston Rockets.
Linggo ng gabi, tumabo si Durant ng 35 points sa likod ng 11 of 25 shooting, 12 of 15 sa free throw line. Nilista niya ang panlimang sunod na 30-point playoff performance – kapantay ng career-best streak noong June 1-12, 2017.
“Kevin’s run these last couple weeks has just bren off the charts,” ani Warriors coach Steve Kerr. “I’ve said it a few times this week, he’s the most skilled basketball player on earth.”
Sa tindi ng laro ni KD, ikinumpara siya ni Kerr sa teammate niya dati sa Chicago Bulls na si Michael Jordan.
“There was this guy named Michael, I can’t remember his last name,” biro ng coach. (VE)