Uusad na umano ang ginagawang paghahanda ng Department of Justice (DOJ) para mailagay sa Witness Protection Program (WPP) ang drug lord na si Kerwin Espinosa.
Ito ay matapos na magpalabas ng kautusan si Judge Carlos Arguelles ng Baybay City Regional Trial Court sa Leyte na sa loob ng 10-araw ay dapat nang mailipat si Espinosa sa detention facility ng National Bureau of Investigation (NBI) mula sa Philippine National Police (PNP) Custodial Center sa Camp Crame.
Ipinaliwanag ni Aguirre na hindi nila maiproseso ang naunang aplikasyon ni Espinosa sa WPP dahil kailangan munang aprubahan ng korte sa Leyte ang hiling ng kampo ni Kerwin na mailipat ang kanyang kustodiya sa NBI.
Ang kaso ni Kerwin kaugnay sa droga at illegal possession of firearms ay nakabinbin sa Baybay City Regional Trial Court.
Sa ngayon ay hawak pa rin ng PNP si Kerwin matapos itong ikustodiya sa pambansang pulisya nang dumating ito sa bansa mula sa Abu Dhabi kung saan siya naaresto.
wag ka mag alala kerwin ..isusunod ka na nila….BWAHAHAHA